നിഴൽ

"The stronger the light, the darker the shadow."
- Tetsuya Kuroko, Kuroko no Basket

ഒരായിരം തവണ പറഞ്ഞുകേട്ടതാണ്:
ഇരുട്ടില്ലാതെ പ്രകാശമില്ല.
ദുഃഖമില്ലാതെ സുഖമറിയില്ല.
വിശപ്പില്ലാതെ രുചിയറിയില്ല.

പക്ഷേ, നിഴലിൽ നിൽക്കുമ്പോഴെ
ഈ പഴമ്പാട്ടിന്റെ അർത്ഥം മനസിലാകൂ...

വെളിച്ചം തെളിഞ്ഞ് കാണുമ്പോൾ.

കാണാത്തത്

അനന്തതയിലേക്ക് കണ്ണോടിക്കുമ്പോൾ
ആരും കാണുന്നത് നക്ഷത്രങ്ങളാകും...
തെളിഞ്ഞും മിന്നിയും ദൃഷ്ടി കവരുന്ന
പ്രകാശക്കുത്തുകൾ; വാതകഗോളങ്ങൾ!

പക്ഷേ, അതിനിടയിൽ കാണുന്നത്...
ഇരുട്ട്,
എവിടെ നിന്ന് വന്നു?

ഡോപ്ലര്‍ പ്രഭാവം*

അകന്നുപോകുന്നതും
അടുത്തുവരുന്നതും തമ്മില്‍
നിറത്തിലും സ്വരത്തിലും മാറ്റമുണ്ട്.
പക്ഷേ,
കണ്ണെത്താ ദൂരത്ത്
നിശബ്ദമായി
ഒരു പൊട്ട് മാത്രം കാണുന്നു.
അടുത്തേക്കോ?
അകലെക്കോ!?

*Doppler effect എന്നതിന്‍റെ മലയാളം പരിഭാഷ.